UEFA Rossiya terma jamoasi va klublarining maqomi, shuningdek, ularning tashkilot tasarrufidagi musobaqalarida ishtirok etish masalasini ko‘rib chiqishni rejalashtirmoqda. Bu borada qaror kelasi hafta qabul qilinadi.
Keyingi mavsum uchun taqvim tuzishga shoshilayotgani sababli UEFA Rossiya jamoalari borasida qarorni tezroq qabul qilmoqchi.
Ayni damda ikkita variant ko‘rib chiqilmoqda: bir mavsumga chetlatish yoki avvalroq qabul qilingan “keyingi ogohlantirishgacha” muddatini uzaytirish. Bu esa Rossiya sharafini himoya qiladigan klublar keyingi mavsumda Yevrokuboklarda ishtirok eta olmasligini, barcha yosh toifadagi terma jamoalar esa UEFA tasarrufidagi musobaqalarni tark etishini anglatadi.
Eslatib o‘tamiz, 28-fevral kuni FIFA va UEFA Ukrainadagi vaziyat tufayli Rossiya terma jamoalari va Rossiya klublarini barcha xalqaro musobaqalarda ishtirok etishdan chetlatdi. Rossiya terma jamoasi esa xalqaro musobaqalardan chetlatilgani munosabati bilan uning o‘rniga Polsha JCh—2022 saralashi pley-offining finalida o‘ynashi xabar qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)