“Barselona” vakillari Robert Levandovskining agentlari bilan bog‘landi.
Katalon klubi “Bavariya” hujumchisining agenti Pini Zahaviga Robert uchun 30-35 million yevro to‘lashga tayyorligini bildirgan.
Undan tashqari “Barselona” Levandovskiga 2+1 ko‘rinishidagi shartnoma taklif qilmoqchi. “Qaymoqranglilar” Zahavidan ushbu taklif bo‘yicha “Bavariya”ni ko‘ndirishni so‘ragan, bu esa transferni tartibga solishga yordam beradi, deb hisoblaydi.
Avvalroq “Bavariya” polshalik hujumchini 40 million yevroga sotishga tayyorligi xabar qilingandi. Levandovskining o‘zi esa “Barselona” bilan shaxsiy shartnoma borasida kelishib olgani ma’lum bo‘lgandi.
Robert Levandovski 2021/22-yilgi mavsum “Bavariya” safida barcha musobaqalarda 43 ta o‘yin o‘tkazib, 48 ta gol urgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)