Prof boksning super o‘rta vazn toifasida harakat qilayotgan Azizbek Abdug‘ofurov (14-1, 5 KO) 29-aprel tunida o‘zining navbatdagi jangini o‘tkazdi.
Rossiyaning Krasnogorsk shahrida bo‘lib o‘tgan jangda Abdug‘ofurovga rossiyalik Fyodor Chudinov (25-3-1, 17 KO) raqib bo‘ldi. To‘liq 10 raund davom etgan jangda Azizbek hakamlar qarori bilan (97-92, 98-91, 97-92) g‘alaba qozondi.
Shu tariqa Abdug‘ofurov faoliyatidagi 15-jangida 14-g‘alabasini qo‘lga kiritdi. Azizbek bundan oldingi jangini 2021-yil mart oyida WBC Silver kamari himoyasi uchun o‘tkazgan edi. Rossiyalik Pavel Silyaginga (7-0, 4 KO) qarshi kechgan boks oqshomida Azizbek ilk mag‘lubiyatini qabul qilib, kamarni boy bergandi.
Chudinov esa 2021-yil oktabr oyida germaniyalik Ronni Mittag ustidan g‘alaba qozongan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)