Машҳур футбол агенти Мино Райола 30 апрель куни 54 ёшида вафот этди. Бу ҳақида унинг оила аъзолари маълум қилди.
Энг ғамхўр ва қойилмақом футбол агенти вафот этганини чуқур қайғу билан маълум қиламиз. Мино музокаралар жараёнида қандай ғайрат билан курашса, худди шундай ўз футболчиларини ҳам ҳимоя қиларди.28 апрель куни Мино Райоланинг вафоти ҳақидаги хабарлар тарқалганди. Аммо орадан бироз вақт ўтиб, унинг ўзи Twitter тармоғида ҳаммаси жойида эканлиги, лекин чиқаётган хабарлардан ғазабда эканлигини ёзиб қолдирганди.Минонинг фаолияти жуда кўп инсонларнинг ҳаётига таъсир қилди, у замонавий футбол тарихида янги саҳифа ёзди. Биз уни доим соғинамиз. Райоланинг футбол оламини футболчилар учун яхшироқ жойга айлантириш миссияси худди шу иштиёқ билан давом этади.
Ушбу оғир дамларда бизга кўрсатилаётган қўллаб-қувватлашлар учун миннатдорчилик билдирамиз ва ушбу қайғули дақиқада оилангиз ва дўстларингиз шахсий ҳаётини ҳурмат қилишингизни сўраб қоламиз.
Мино Райоланинг оила аъзолари
Мино Райола 1967 йил 4 ноябрда Италияда таваллуд топган. Футбол оламида Пол Погба, Эрлинг Ҳоланд, Златан Ибраҳимович, Марио Балотелли, Генрих Мхитарян, Марко Вератти, Жанлуижи Доннарумма, Жастин Клюйверт, Maттeйс де Лигт ва яна кўплаб футболчиларнинг агенти сифатида машҳур эди.
Мино 1990 йилда Sports Promotions’да футбол агенти сифатида фаолиятини бошлаган. Ушбу компанияда иш бошлаган агент 1992 йилда Брайан Ройнинг «Аякс»дан «Фоджа»га ўтиши билан шуғулланган. Бир неча йилдан сўнг Райола мустақил агент сифатида компанияни тарк этган. Илк катта трансфери эса Павел Недведнинг «Спарта»дан «Лацио»га ўтиши бўлган.
2020 йилдан буён дунёнинг энг машҳур ва таъсир доираси кенг агентлардан бирига айланганди.
Изоҳ (0)