Germaniyada inflyatsiya kutilmaganda rekord darajada tez sur’atlarda o‘smoqda. Bunga Rossiyaning Ukrainadagi urushi energiya bozorlari va ta’minot zanjirlarini uzgani sabab bo‘ldi. Bu haqda Bloomberg xabar bermoqda.
Iste’mol narxlari aprel oyida o‘tgan yilning shu davriga nisbatan 7,8 foizga oshdi. Milliy ko‘rsatkich 7,4 foizni tashkil etdi. Bu 1981-yil oktabrdan beri eng yuqori ko‘rsatkichdir.
Germaniya Yevropaning eng yirik iqtisodiyotlaridan biri hisoblanadi. Mamlakatda narxlar oshishi boshqa Yevropa davlatlariga ham ta’sir ko‘rsatadi.
Yevropa Markaziy banki kelgusi oylarda foiz stavkalarini oshirishi kutilmoqda. Bu esa o‘n yildan ko‘proq vaqt ichida birinchi marta sodir bo‘lishi mumkin.
Payshanba, 28-aprel kuni Ispaniyada narxlar ko‘tarilishi sekinlashdi. Mamlakatda inflyatsiya o‘tgan oy kutilganidan ko‘ra sekinlashdi va mart oyidagi 9,8 foizdan 8,3 foizga tushdi.
Rossiya Polsha va Bolgariyaga tabiiy gaz yetkazib berishni to‘xtatgan edi. Bu esa Yevropa Ittifoqining boshqa a’zolarida energiya ta’minotida uzilishlar ehtimolini oshirdi.
Germaniya Iqtisodiyot vazirligi 27-aprel kuni inflyatsiya 2022-yil davomida o‘rtacha 6,1 foiz bo‘lishini kutganini, kelgusi yilda esa 2,8 foizgacha sekinlashishini aytdi. Shuningdek, u iqtisodiy o‘sish prognozini sezilarli darajada pasaytirdi.
Avvalroq Rossiya Germaniyaning 40 nafar diplomatini o‘z hududidan chiqarib yuborgandi.
Izoh (0)