Германияда инфляция кутилмаганда рекорд даражада тез суръатларда ўсмоқда. Бунга Россиянинг Украинадаги уруши энергия бозорлари ва таъминот занжирларини узгани сабаб бўлди. Бу ҳақда Bloomberg хабар бермоқда.
Истеъмол нархлари апрель ойида ўтган йилнинг шу даврига нисбатан 7,8 фоизга ошди. Миллий кўрсаткич 7,4 фоизни ташкил этди. Бу 1981 йил октябрдан бери энг юқори кўрсаткичдир.
Германия Европанинг энг йирик иқтисодиётларидан бири ҳисобланади. Мамлакатда нархлар ошиши бошқа Европа давлатларига ҳам таъсир кўрсатади.
Европа Марказий банки келгуси ойларда фоиз ставкаларини ошириши кутилмоқда. Бу эса ўн йилдан кўпроқ вақт ичида биринчи марта содир бўлиши мумкин.
Пайшанба, 28 апрель куни Испанияда нархлар кўтарилиши секинлашди. Мамлакатда инфляция ўтган ой кутилганидан кўра секинлашди ва март ойидаги 9,8 фоиздан 8,3 фоизга тушди.
Россия Польша ва Болгарияга табиий газ етказиб беришни тўхтатган эди. Бу эса Европа Иттифоқининг бошқа аъзоларида энергия таъминотида узилишлар эҳтимолини оширди.
Германия Иқтисодиёт вазирлиги 27 апрель куни инфляция 2022 йил давомида ўртача 6,1 фоиз бўлишини кутганини, келгуси йилда эса 2,8 фоизгача секинлашишини айтди. Шунингдек, у иқтисодий ўсиш прогнозини сезиларли даражада пасайтирди.
Аввалроқ Россия Германиянинг 40 нафар дипломатини ўз ҳудудидан чиқариб юборганди.
Изоҳ (0)