Kongo Demokratik Respublikasida Ebola virusiga qarshi emlash boshlandi, deb yozmoqda Reuters.
Jahon sog‘liqni saqlash tashkiloti (JSST) ma’lum qilishicha, Sharqiy Goma shahridan shimoli-g‘arbiy Mbandaka shahriga Ebola virusiga qarshi 200 dozaga yaqin rVSV-ZEBOV vaksinasi yuborilgan va yaqin kunlarda qo‘shimcha dozalar yetkaziladi.
“Samarali vaksinalar va Kongo tibbiyot xodimlarining Ebolaga qarshi kurashdagi tajribasi bilan biz ushbu epidemiya yo‘nalishini qisqa vaqtda yaxshi tomonga burishimiz mumkin”, — deyiladi JSST Afrika bo‘yicha direktori Matshidiso Moetining bayonotida.
Ma’lum qilinishicha, emlash bo‘yicha mutaxassislardan iborat uchta guruh mavjud va ular kasallanish xavfi yuqori bo‘lgan odamlarning barchasiga diqqat qaratmoqda.
Kongoning ekvatorial o‘rmonlari 1976-yilda Kongo shimolidagi Ebola daryosi yaqinida aniqlangan Ebola virusi uchun tabiiy suv ombori hisoblanadi.
Mamlakatda hozirgi Ebola epidemiyasi ikki kishining o‘limiga sabab bo‘lgan. Birinchi bemor 21-aprel kuni, ikkinchisi 26-aprel kuni vafot etgan. Markaziy Afrika davlatida Ebolaning 14-epidemiyasi avj olishni boshlagan.
Izoh (0)