“O‘ztransgaz”ning 2022-yilning birinchi choragidagi umumiy daromadi 5,1 trln so‘mni tashkil etdi. Bu haqda “Daryo”ga kompaniya moliyaviy hisobotidan ma’lum bo‘ldi.
Daromad 2021-yilga nisbatan qariyb 200 mlrd so‘mga kamaygan. O‘tgan yilning yanvar—mart oylarida kompaniya 5,3 trln so‘m daromad qilgan edi. Biroq bu davrda xarajatlar 2 trln so‘mdan ko‘proqqa kamaydi — 6,6 trln so‘mdan 4,4 trln so‘mga pasaydi.
“O‘ztransgaz” foyda ko‘rmaganligi sabab foyda solig‘ini to‘lamagan.
Kompaniya yil boshidan beri 750 mlrd so‘m zarar ko‘rgan. Bu o‘tgan yilning shu davriga nisbatan, taxminan, 150 mlrd so‘mga kamroq. “O‘ztransgaz” 2021-yilning ilk choragida 864 mlrd so‘m zarar ko‘rgan edi.
“O‘ztransgaz” qanday kompaniya?
“O‘ztransgaz” — gaz, gaz kondensati va neftni tashish, saqlash va sotish bilan shug‘ullanuvchi energetika kompaniyasi. U O‘zbekistondagi yirik kompaniyalardan biri hisoblanadi.
O‘zbekistonda iste’molchilarni tabiiy gaz bilan ta’minlash, shuningdek, tabiiy gazni tashish, tranzit qilish va eksport qilish “O‘ztransgaz” zimmasiga yuklangan.
Avvalroq “O‘zbekiston milliy elektr tarmoqlari” yil boshidan beri 1,5 trillion so‘m zarar ko‘rgani haqida xabar berilgan edi.
Izoh (0)