«Ўзтрансгаз»нинг 2022 йилнинг биринчи чорагидаги умумий даромади 5,1 трлн сўмни ташкил этди. Бу ҳақда «Дарё»га компания молиявий ҳисоботидан маълум бўлди.
Даромад 2021 йилга нисбатан қарийб 200 млрд сўмга камайган. Ўтган йилнинг январь—март ойларида компания 5,3 трлн сўм даромад қилган эди. Бироқ бу даврда харажатлар 2 трлн сўмдан кўпроққа камайди — 6,6 трлн сўмдан 4,4 трлн сўмга пасайди.
«Ўзтрансгаз» фойда кўрмаганлиги сабаб фойда солиғини тўламаган.
Компания йил бошидан бери 750 млрд сўм зарар кўрган. Бу ўтган йилнинг шу даврига нисбатан, тахминан, 150 млрд сўмга камроқ. «Ўзтрансгаз» 2021 йилнинг илк чорагида 864 млрд сўм зарар кўрган эди.
«Ўзтрансгаз» қандай компания?
«Ўзтрансгаз» — газ, газ конденсати ва нефтни ташиш, сақлаш ва сотиш билан шуғулланувчи энергетика компанияси. У Ўзбекистондаги йирик компаниялардан бири ҳисобланади.
Ўзбекистонда истеъмолчиларни табиий газ билан таъминлаш, шунингдек, табиий газни ташиш, транзит қилиш ва экспорт қилиш «Ўзтрансгаз» зиммасига юкланган.
Аввалроқ «Ўзбекистон миллий электр тармоқлари» йил бошидан бери 1,5 триллион сўм зарар кўргани ҳақида хабар берилган эди.
Изоҳ (0)