Shavkat Mirziyoyev raisligida 29-aprel kuni o‘tkazilgan videoselektor yig‘ilishida keksalarni qo‘llab-quvvatlash bo‘yicha yangicha tizim yaratilishi aytildi. Bu haqda prezident matbuot kotibi xabar qildi.
Qayd etilishicha, mamlakatda 3 milliondan ortiq yoki aholining qariyb 9 foizini nuroniylar tashkil etadi. Shu bois keksalarni moddiy qo‘llab-quvvatlash, ularning holidan xabar olib, har kuni g‘amxo‘rlik qilish, e’tiborni kuchaytirish bo‘yicha mahalla darajasida tizim yaratiladi. Jumladan:
- 16 mingdan ziyod o‘zgalar parvarishiga muhtoj va yolg‘iz yashovchi keksalarning har yili sanatoriylarda davolanishi tashkil etiladi;
- 25 ming nafar sharoiti og‘ir va kam ta’minlangan keksalarning dori-darmonlari, protez-ortopediya moslamalari davlat tomonidan olib beriladi, jarrohlik amaliyotlariga xarajatlari ham budjetdan qoplab beriladi;
- nuroniylar uchun stadion, tennis-kort, sport zallari, basseyn kabi sport inshootlariga oylik abonementining 540 ming so‘mgacha qismi qoplab beriladi;
- keksalarning teatr va muzeylarga chipta olish xarajatlari ham to‘liq qoplab beriladi.
Izoh (0)