Borjomi mineral suvini ishlab chiqaruvchi IDS Borjomi Rossiyaga qarshi sanksiyalar tufayli ishlab chiqarishni to‘xtatmoqda. Bu haqda “RBK” xabar berdi.
IDS Borjomi Ukrainada harbiy harakatlar boshlanganidan beri og‘ir ahvolda, — deyiladi hisobotda.Kompaniyaning qo‘shimcha qilishicha, asosiy savdo bozorlaridagi qiyin vaziyat bank hisob raqamlariga kirish cheklanganligi sababli yanada og‘irlashgan. Shu sababli u valyuta tushumlarini olish va kreditlarni to‘lash imkoniyatidan mahrum bo‘ldi.
29-apreldan kompaniya o‘z zavodlarida ishlab chiqarishni to‘xtatadi. IDS Borjomi uni qayta tiklash mumkinligiga umid bildirdi.
Borjomi brendi 2013-yildan beri Rossiyaning “Alfa Grup” kompaniyasiga tegishli. Guruhga kiruvchi “Alfa-Bank” fevral oyi oxirida Yevropa Ittifoqi sanksiyalariga uchragan.
IDS Borjomi International 2002-yilda tashkil etilgan bo‘lib, u Gruziya, Ukraina va Rossiyadagi mineral suv ishlab chiqaruvchi korxonalarni birlashtiradi. Kompaniya Borjomi mineral suvining yagona ishlab chiqaruvchisi hisoblanadi.
2013-yilda “Alfa Grup” gruziyalik tadbirkor Badri Patarkatsishvilining merosxo‘rlaridan IDS Borjomi aksiyalarining nazorat paketini (55,8 foiz) sotib olgan.
Izoh (0)