Ilon Maskning boyligi Twitter’ni sotib olishga rozi bo‘lganidan keyin bir kun ichida 29 mlrd dollarga kamaydi. Bunga Tesla aksiyalarining qulashi sabab bo‘ldi. Bu haqda Forbes xabar bermoqda.
Kompaniya sarmoyadorlari milliarderning rejalarini qo‘llamagan. Ular Twitter’ni sotib olish uchun to‘lovni amalga oshirishda o‘z aksiyalarini sotuvga qo‘yishidan qo‘rqishmoqda
27-aprel kuni ertalabki ma’lumotlariga ko‘ra, Maskning ayni vaqtdagi boyligi 239,2 mlrd dollarni tashkil etadi va u dunyodagi eng badavlat odam bo‘lishda davom etmoqda.
Maskning boyligi Tesla aksiyalari narxining qulashi tufayli qisqardi. 26-aprel kuni Twitter direktorlar kengashi milliarderning ijtimoiy tarmoqni 44 mlrd dollarga sotib olishini ma’qullagani haqidagi xabar ortidan aksiyalar 12 foizga arzonlashdi.
Bu Mask 24 soatdan kamroq vaqt ichida Donald Trampning to‘qqizta boyligiga teng mablag‘ni yo‘qotganini anglatadi.
Ilon Mask boyligining katta qismi uning Tesla kompaniyasidagi ulushiga to‘g‘ri keladi — 21 foiz. Kompaniya sarmoyadorlari Mask bir vaqtning o‘zida uchta kompaniyani (Tesla, SpaceX va Twitter) samarali boshqara olishiga ishonmayapti.
Mask Twitter’ni sotib olish uchun kreditlar uchun Tesla aksiyalaridan garov sifatida foydalanishga majbur bo‘lishidan qo‘rqmoqda
Qisman, bu qo‘rquvlar o‘zini oqladi: 25-aprel kuni Mask o‘zining 62,5 mlrd dollarlik Tesla aksiyalarini 12,5 mlrd dollarlik marjali kredit (banklar qarzi 13 mlrd dollarni tashkil etadi) olish uchun garovga qo‘yishini ma’lum qildi.
Bundan tashqari, investorlar milliarder Twitter’ni sotib olishni moliyalashtirish uchun o‘z aksiyalarining bir qismini sotishiga to‘g‘ri kelishi mumkinligini istisno qilishmaydi. Mask Twitter’ni o‘z cho‘ntagidan sotib olish uchun 21 mlrd dollar to‘lashga va’da berdi.
Forbes ma’lumotlariga ko‘ra, Maskning hozirda taxminan 2 mlrd dollar naqd puli bor: o‘tgan yil oxirida u Tesla’ning 16 mlrd dollarlik aksiyalarini sotdi, undan soliqlarni qaytardi, 6 mlrd dollarni xayriya ishlariga xayriya qildi va Twitter’dagi dastlabki ulushini sotib olish uchun 2,6 mlrd dollar to‘ladi.
Avvalroq Ilon Mask Twitter’ni 44 mlrd dollarga sotib olishi haqida xabar berilgan edi.
Izoh (0)