“Rossiya” aviakompaniyasi 2-maydan boshlab Moskvadan O‘zbekiston shaharlariga parvozlarni yo‘lga qo‘yadi

“Rossiya” aviakompaniyasi (“Aeroflot” guruhiga kiruvchi) 2-maydan boshlab Moskvadan (“Sheremetyevo”) Buxoro, Samarqand va Urganch shaharlariga to‘g‘ridan to‘g‘ri reyslarni amalga oshirishni boshladi. Bu haqda aviakompaniya matbuot xizmati xabar berdi.

Moskvadan ushbu reyslar yo‘lga qo‘yilishi munosabati bilan “Rossiya” aviakompaniyasining Sochidan amalga oshiruvchi parvozlar jadvaliga o‘zgartirish kiritilgan. Sochi—Buxoro/Samarqand/Urganch aviaqatnovlari bekor qilingan. Toshkent va Farg‘onaga esa Sochi orqali qatnovlar avvalgidek amalga oshirilaveradi.

Moskvadan O‘zbekiston shaharlariga aviaparvozlar Superjet 100 samolyotlari orqali amalga oshiriladi.

Moskva—Buxoro—Moskva reysi 11-maydan boshlab haftada uch marta — chorshanba, juma va yakshanba kunlari mahalliy vaqtlar bilan amalga oshiriladi:

• SU 6553: uchish — 00:30 / qo‘nish — 06:20;
• SU 6554: uchish — 07:30 / qo‘nish — 09:50.

Moskva—Samarqand—Moskva reysi 2-maydan boshlab haftada to‘rt marta — dushanba, seshanba, payshanba va shanba kunlari mahalliy vaqtlar bilan amalga oshiriladi:

• SU 6551: uchish — 00:30 / qo‘nish — 06:30;
• SU 6552: uchish — 07:40 / qo‘nish — 10:05.

Moskva—Urganch—Moskva reysi13-maydan boshlab haftada ikki marta — juma va yakshanba kunlari mahalliy vaqtlar bilan amalga oshiriladi:

• SU 6555: uchish – 14:35 juma, 13:50 yakshanba / qo‘nish – 20:05 juma, 19:30 yakshanba;
• SU 6556: uchish – 21:15 в juma, 20:40 yakshanba / qo‘nish – 23:10 juma, 22:35 yakshanba.

Avvalroq Uzbekistan Airways Buxoro—Istanbul—Buxoro yo‘nalishi bo‘yicha yangi aviaqatnovlarni yo‘lga qo‘yishi, Toshkentdan Rossiyaning Mineralniye Vodi shahriga aviaparvozlar soni oshirilishi, Uzbekistan Airways Seulga parvozlarni endi haftasiga 3 marta yo‘lga qo‘yishi, ikki yillik tanaffusdan so‘ng Toshkentdan Parijga muntazam aviaqatnovlar tiklanishi to‘g‘risida xabar berilgandi.