«Россия» авиакомпанияси 2 майдан бошлаб Москвадан Ўзбекистон шаҳарларига парвозларни йўлга қўяди

«Россия» авиакомпанияси («Аэрофлот» гуруҳига кирувчи) 2 майдан бошлаб Москвадан («Шереметьево») Бухоро, Самарқанд ва Урганч шаҳарларига тўғридан-тўғри рейсларни амалга оширишни бошлади. Бу ҳақда авиакомпания матбуот хизмати хабар берди.

Москвадан ушбу рейслар йўлга қўйилиши муносабати билан «Россия» авиакомпаниясининг Сочидан амалга оширувчи парвозлар жадвалига ўзгартириш киритилган. Сочи—Бухоро/Самарқанд/Урганч авиақатновлари бекор қилинган. Тошкент ва Фарғонага эса Сочи орқали қатновлар аввалгидек амалга оширилаверади.

Москвадан Ўзбекистон шаҳарларига авиапарвозлар Superjet 100 самолётлари орқали амалга оширилади.

Москва—Бухоро—Москва рейси 11 майдан бошлаб ҳафтада уч марта — чоршанба, жума ва якшанба кунлари маҳаллий вақтлар билан амалга оширилади:

• SU 6553: учиш — 00:30 / қўниш — 06:20;
• SU 6554: учиш — 07:30 / қўниш — 09:50.

Москва—Самарқанд—Москва рейси 2 майдан бошлаб ҳафтада тўрт марта — душанба, сешанба, пайшанба ва шанба кунлари маҳаллий вақтлар билан амалга оширилади:

• SU 6551: учиш — 00:30 / қўниш — 06:30;
• SU 6552: учиш — 07:40 / қўниш — 10:05.

Москва—Урганч—Москва рейси13 майдан бошлаб ҳафтада икки марта — жума ва якшанба кунлари маҳаллий вақтлар билан амалга оширилади:

• SU 6555: учиш – 14:35 жума, 13:50 якшанба / қўниш – 20:05 жума, 19:30 якшанба;
• SU 6556: учиш – 21:15 в жума, 20:40 якшанба / қўниш – 23:10 жума, 22:35 якшанба.

Аввалроқ Uzbekistan Airways Бухоро—Истанбул—Бухоро йўналиши бўйича янги авиақатновларни йўлга қўйиши, Тошкентдан Россиянинг Минералние Води шаҳрига авиапарвозлар сони оширилиши, Uzbekistan Airways Сеулга парвозларни энди ҳафтасига 3 марта йўлга қўйиши, икки йиллик танаффусдан сўнг Тошкентдан Парижга мунтазам авиақатновлар тикланиши тўғрисида хабар берилганди.