IIV YHXX 1-may kunida boshlab yo‘llarda paydo bo‘ladigan uchta yangi to‘xtab turish yo‘l belgilarini namoyish etdi.
Eski tahrirdagi Yo‘l harakati qoidalarida mavjud bo‘lgan 5.15 (to‘xtab turish) yo‘l belgisiga qo‘shimcha tarzda 5.15.1, 5.15.2, 5.15.3 yo‘l belgilari qo‘shilgan.
- 5.15.1 (pullik to‘xtab turish joyi) — tadbirkorlik subyektlari tomonidan tashkil etilgan pullik avtoturargohlar, avtomobil qo‘yish joylari, yaqiniga o‘rnatiladi;
- 5.15.2 (yer usti avtomobil qo‘yish joyi) — ko‘p qavatli avtoturargohlarga kirishdan oldin yoki yaqiniga qo‘yiladi;
- 5.15.3 (yer osti avtomobil qo‘yish joyi) — yer osti avtomobil qo‘yish joylariga kirishdan oldin qo‘yiladi.
Mazkur yo‘l belgilar asosan yo‘llar nosoz bo‘lganda yoki yo‘llarda ta’mirlashlar olib borilayotgan vaqtlarda o‘rnatiladi. Ularni o‘rnatishdan maqsad haydovchilarni noqulay vaziyatlar yoki xavfli holatlardan ogohlantirish, haydovchining boshqaruvidagi transport vositasining vazni, o‘lchamlariga qarab, uning harakatini taqiqlash hamda harakat tartibini belgilash bo‘yicha qo‘llaniladi.
Agarda yo‘lga o‘rnatilgan doimiy va vaqtinchalik yo‘l belgilari ma’no jihatdan bir-biriga zid kelsa, haydovchilar vaqtinchalik yo‘l belgilari rioya qilishlari kerak.
Avvalroq O‘zbekistonda yangi tahrirdagi Yo‘l harakati qoidalari tasdiqlangani to‘g‘risida xabar berilgandi. Unga ko‘ra, avtomobil old o‘rindig‘ida o‘tirib xavfsizlik kamarini taqmagan yo‘lovchi jarimaga tortilishi mumkin, YPX xodimidan dislokatsiyani so‘rash talabi bekor qilingan.
Izoh (0)