Rossiyalik muxolifat siyosatchisi Aleksey Navalniyning tarafdorlari mamlakatdagi 6 ming nafar “korrupsioner” va “urush tashkilotchisi” ro‘yxatini tuzdi.
Ro‘yxatga kiritilganlar bir necha toifaga: “urush tashkilotchilari”, “mafkurachilar”, “korrupsionerlar”, “Putinni ochiqdan ochiq qo‘llab-quvvatlayotganlar”, “ikkiyuzlamachi mashhurlar”, “asosiy amaldorlar”ga ajratilgan.
Vladimir Putin ushbu ro‘yxatda “urush tashkilotchisi” toifasida saralangan. U bilan bir qatorda Xavfsizlik kengashining 30 nafar a’zosi va Mudofaa vazirligining 101 nafar harbiy xizmatchisi ham bor.
Mualliflardan biri Ruslan Shaveddinov mazkur ro‘yxatni tuzish va e’lon qilishdan maqsad u yerdagi barcha shaxslarni G‘arb sanksiyalariga kiritilishini ta’minlash ekanligini ta’kidladi.
Avval Navalniyning sud orqali o‘zini ekstremist va terrorchilar ro‘yxatidan chiqarishni talab qilgani, shuningdek AQSH va YIning Kremlga qarshi “axborot fronti”ni ochishga, mustaqil OAV uchun ijtimoiy tarmoqlarda reklamalarni sotib olishga chaqirgani haqida xabarlar berilgan.
Mavzuga doir:
- “Ularga ham, bularga ham bitta narsa: real muammolardan diqqatni chalg‘itish kerak edi”. Navalniy DXR va LXR mustaqilligining Rossiya tomonidan tan olinganini Afg‘onistondan SSSR qo‘shinlarining olib chiqib ketilishiga qiyosladi
- “FXXdan ham, kimyoviy quroldan ham, Putindan ham qo‘rqmayman. Jinoiy ish qo‘zg‘ashda davom etavering, men baribir jim bo‘lmayman”. Aleksey Navalniy o‘ziga qarshi ochilgan yangi ish bo‘yicha sudda nutq so‘zladi
- “Umuman hayron qolmadim”. Navalniy o‘zining terrorchi va ekstremistlar ro‘yxatiga kiritilganini izohladi
Izoh (0)