Россиялик мухолифат сиёсатчиси Алексей Навальнийнинг тарафдорлари мамлакатдаги 6 минг нафар «коррупционeр» ва «уруш ташкилотчиси» рўйхатини тузди.
Рўйхатга киритилганлар бир неча тоифага: «уруш ташкилотчилари», «мафкурачилар», «коррупционeрлар», «Путинни очиқдан очиқ қўллаб-қувватлаётганлар», «иккиюзламачи машҳурлар», «асосий амалдорлар»га ажратилган.
Владимир Путин ушбу рўйхатда «уруш ташкилотчиси» тоифасида сараланган. У билан бир қаторда Хавфсизлик кенгашининг 30 нафар аъзоси ва Мудофаа вазирлигининг 101 нафар ҳарбий хизматчиси ҳам бор.
Муаллифлардан бири Руслан Шаведдинов мазкур рўйхатни тузиш ва эълон қилишдан мақсад у ердаги барча шахсларни Ғарб санкцияларига киритилишини таъминлаш эканлигини таъкидлади.
Аввал Навальнийнинг суд орқали ўзини экстремист ва террорчилар рўйхатидан чиқаришни талаб қилгани, шунингдек АҚШ ва ЕИнинг Кремлга қарши «ахборот фронти»ни очишга, мустақил ОАВ учун ижтимоий тармоқларда рекламаларни сотиб олишга чақиргани ҳақида хабарлар берилган.
Мавзуга доир:
- «Уларга ҳам, буларга ҳам битта нарса: реал муаммолардан диққатни чалғитиш керак эди». Навальний ДХР ва ЛХР мустақиллигининг Россия томонидан тан олинганини Афғонистондан СССР қўшинларининг олиб чиқиб кетилишига қиёслади
- «ФХХдан ҳам, кимёвий қуролдан ҳам, Путиндан ҳам қўрқмайман. Жиноий иш қўзғашда давом этаверинг, мен барибир жим бўлмайман». Алексей Навальний ўзига қарши очилган янги иш бўйича судда нутқ сўзлади
- «Умуман ҳайрон қолмадим». Навальний ўзининг террорчи ва экстремистлар рўйхатига киритилганини изоҳлади
Изоҳ (0)