“O‘zbektelekom”ning 2022-yilning yanvar-mart oylaridagi umumiy daromadi 1,4 trln so‘mni tashkil etdi. Bu haqda “Daryo”ga kompaniya moliyaviy hisobotidan ma’lum bo‘ldi.
Daromad 2021-yilga nisbatan uch barobarga kamaygan. 2021-yilda kompaniya 4,4 trln so‘m daromad ko‘rgan edi. Biroq bu davrda xarajatlar ko‘paydi — 632 mlrd so‘mdan 785 mlrd so‘mga yetdi.
Kompaniyaning xarajatlari 138 mlrd so‘mni tashkil etdi. “O‘zbektelekom” 17 mlrd so‘m soliq to‘lagan.
Birinchi uch oyda sof foyda 120 mlrd so‘mni tashkil etdi. Bu o‘tgan yilning shu davriga nisbatan qariyb ikki barobarga kam. O‘tgan yilning dastlabki choragida “O‘zbektelekom” 227 mlrd so‘m sof foyda ko‘rgan edi.
Avvalroq UzAuto Motors yil boshidan buyon qancha foyda olgani ma’lum bo‘lgandi.
Izoh (0)