Andijon viloyatining Marhamat, Qo‘rg‘ontepa hamda Andijon shahridagi mahallada faoliyat yurituvchi raislar bir hafta dam olish maqsadida Dubayga yuboriladi. Bu haqda viloyat turizm va madaniy meros boshqarmasiga tayanib, “Daryo” muxbiri xabar berdi.
Qayd etilishicha, uch oy davomida aholini piyoda yurishga majbur qilgan Andijon shahrining 4-son, Qo‘rg‘ontepa tumanining “Yangi bo‘ston” va Marhamat tumanining “Boboxuroson” mahallasi raislari — Tabassumxon Isroilova, Nabijon Rejapov hamda Tavakkul Shomurodovlar bir haftalik sayohat uchun Dubay shahriga jo‘nab ketadi.Andijon viloyati hokimi Shuhrat Abdurahmonov 2021-yil dekabrda qancha pul ketsa ham odamlarni yurgizishini ma’lum qilib, “Ertalab va kechqurun piyoda yurishni tashkil qilgan mahalla raislari va tashkilot rahbarlarini Dubayga yuboraman”, degandi.
Viloyat hokimining mazkur va’dasidan kelib chiqqan holda hududda odamlarning piyoda yurish holati o‘rganib chiqilgan. “Salomatlik uchun 5000 qadam” shiori ostida har kuni ertalab va kechqurun piyoda yurish tadbirlarini o‘tkazib kelgan 16 ta mahalla fuqarolar yig‘ini aniqlanib, ushbu mahallalarning har biridan 10 nafardan, jami 160 nafar salomatlik targ‘ibotchilari ro‘yxati shakllantirilgan.
“2022-yilning 5- va 12-fevral kuni Andijon va Xonobod shaharlari, Asaka, Baliqchi, Shahrixon, Qo‘rg‘ontepa, Jalaquduq, Paxtaobod, Izboskan va Andijon tumanlarida yashovchi 100 nafar fuqaro Toshkent—Samarqand—Buxoro yo‘nalishi bo‘ylab sayohatga yuborilgan. Endi MFY raislarining xorijga ketish masalasi hal etiladi”, — deydi viloyat turizm va madaniy meros boshqarmasi vakili.
Izoh (0)