Rossiya Odessaga raketalar zarbasini berdi. Hujum oqibatida 6 kishi halok bo‘ldi, 18 nafar odamga talafot yetgan

Odessa shahri ma’muriyati 23-aprel kuni Rossiya harbiylarining qanotli raketalardan zarbalar yo‘llaganini xabar qildi.

Shahar hukumati xabariga ko‘ra ikkita raketa harbiy obyektlarga kelib urilgan, yana ikkitasi esa aholi turar joylariga teggan. Yana ikkita raketa Ukraina havodan himoya texnikasi tomonidan urib tushirilgan.

Hujum oqibatida dastlabki ma’lumotlarga ko‘ra 18 nafar yaralangan va 5 kishi halok bo‘lgan, deya ma’lum qilgan Ukraina prezidenti ofisi rahbari Andrey Yermak. Uning so‘zlariga ko‘ra qurbonlar orasida uch oylik chaqaloq ham bor.

Yermak Rossiyaning Odessaga qilgan hujumi tufayli talafot ko‘rganlar, jarohatlanganlar soni ko‘proq bo‘lishi mumkinligini qayd etgan.

Ukraina davlat favqulodda vaziyatlar xizmati Odessaga berilgan raketa zarbalari oqibatida 6 nafar odamning halok bo‘lgani haqida ma’lumot bergan.