Yevropa davlatlari 6 oy davomida Rossiya gazisiz ichki talabni qondira oladi. Bu haqda Xalqaro valyuta jamg‘armasining (XVJ) Yevropa bo‘limi rahbari Alfred Kammer aytib o‘tdi.
Yevropa gaz ta’minotining mumkin bo‘lgan qisqarishiga tayyorlanishi, uni tejash va omborlarni to‘ldirishi kerak, — deydi XVJ Yevropa bo‘limi rahbari.Ma’lum bo‘lishicha, birinchi olti oyda Yevropa Rossiya gazisiz muqobil manbalar va mavjud zaxiralaridan foydalanish orqali talabni qondirishi mumkin.
Agar Rossiya gazidan voz kechish uzoqroq davom etsa, masalan, kelasi qishgacha, unda bunday qaror Yevropa iqtisodiyotiga jiddiy ta’sir ko‘rsatadi, deya qo‘shimcha qildi Kammer.
XVJ Rossiyadan gaz yetkazib berishning to‘liq to‘xtatilishi, kelasi qish qanchalik og‘ir bo‘lishiga qarab, Yevropa Ittifoqi iqtisodida yalpi ichki mahsulot 3 foiziga pasayishi mumkinligini taxmin qilmoqda.
22-aprel kuni Niderlandiya hukumati yil oxirigacha Rossiya gazini iste’mol qilishni to‘xtatishni rejalashtirayotganini ma’lum qildi. Rasmiylar buni energiya tejash, yanada ekologik toza siyosat va turli mamlakatlardan sezilarli import yordamida amalga oshirishni rejalashtirmoqda.
Niderlandiya yil oxirigacha o‘z gazidagi Rossiya ulushini to‘liq tugatish yoki almashtirish imkoniyatiga ega bo‘ladi, — deyiladi hukumatning Reuters agentligiga bergan bayonotida.Niderlandiyaning energetika sektoridagi gaz ulushi 44 foiz, Rossiyaning uni yetkazib berishdagi ulushi 15 foizga yaqin, deya yozadi agentlik hukumat ma’lumotlariga tayanib.
Avvalroq Fransiya prezidenti Emmanuel Makron Fransiya Rossiya gaziga muhtoj emasligini ma’lum qilgan edi.
Izoh (0)