Rossiyaning Tver shahrida joylashgan harbiy-kosmik mudofaa markaziy tadqiqot instituti binosida yong‘in sodir bo‘ldi. Hodisa oqibatida kamida 7 nafar odam halok bo‘lgan, 27 kishiga talafot yetgan. “RBK” yong‘in kuzatilgan bino atrofidagi vaziyat yuzasidan fotoreportaj tayyorlagan.
Tver shahri gubernatori Igor Ruden yong‘inni o‘chirish ishlarini o‘z nazorati ostiga olgan.
Voqea joyida barcha xizmatlarni muvofiqlashtirish tezkor shtabi ishlamoqda. Tver viloyati hokimligining xodimlari institutga qo‘shni binolardagi hujjatlarni xavfsiz joyga ko‘chirish ishlarini tashkillashtirgan
“TASS” xabariga ko‘ra, yong‘in institutdagi xonalardan birida boshlangan. Qutqaruv xizmati yetib kelgan vaqtda binoni quyuq tutun qoplab olgan.
Yong‘inga uchinchi murakkablik darajasi berilgan, olov 1,5 ming kvadrat metr maydonni qoplab olgan. “TASS” manbasi elektr tarmog‘idagi avariyaviy tartib ishlab ketgani yong‘inni keltirib chiqarganini xabar qildi
Yong‘inni bartaraf etish ishlariga 240 nafar odam, 69 ta texnika birligi jalb qilingan.
G‘arbiy harbiy okrug Tver garnizonining harbiy prokuraturasi yong‘in yuzasidan tekshiruv ishlarini boshlagan.
Guvohlarning so‘zlariga ko‘ra viloyat markazini tutun qoplab olgan. Yong‘in bartaraf etilgan.
“Taxminan 10 nafar odam harbiy-kosmik mudofaa markaziy tadqiqot instituti binosi vayronalari ostida qolgan”, — deya xabar qilgan “Interfaks”.
Izoh (0)