Россиянинг Тверь шаҳрида жойлашган ҳарбий-космик мудофаа марказий тадқиқот институти биносида ёнғин содир бўлди. Ҳодиса оқибатида камида 7 нафар одам ҳалок бўлган, 27 кишига талафот етган. «РБК» ёнғин кузатилган бино атрофидаги вазият юзасидан фоторепортаж тайёрлаган.
Тверь шаҳри губернатори Игорь Руден ёнғинни ўчириш ишларини ўз назорати остига олган.
Воқеа жойида барча хизматларни мувофиқлаштириш тезкор штаби ишламоқда. Тверь вилояти ҳокимлигининг ходимлари институтга қўшни бинолардаги ҳужжатларни хавфсиз жойга кўчириш ишларини ташкиллаштирган
«ТАСС» хабарига кўра, ёнғин институтдаги хоналардан бирида бошланган. Қутқарув хизмати етиб келган вақтда бинони қуюқ тутун қоплаб олган.
Ёнғинга учинчи мураккаблик даражаси берилган, олов 1,5 минг квадрат метр майдонни қоплаб олган. «ТАСС» манбаси электр тармоғидаги авариявий тартиб ишлаб кетгани ёнғинни келтириб чиқарганини хабар қилди
Ёнғинни бартараф этиш ишларига 240 нафар одам, 69 та техника бирлиги жалб қилинган.
Ғарбий ҳарбий округ Тверь гарнизонининг ҳарбий прокуратураси ёнғин юзасидан текширув ишларини бошлаган.
Гувоҳларнинг сўзларига кўра вилоят марказини тутун қоплаб олган. Ёнғин бартараф этилган.
«Тахминан 10 нафар одам ҳарбий-космик мудофаа марказий тадқиқот институти биноси вайроналари остида қолган», — дея хабар қилган «Интерфакс».
Изоҳ (0)