AQSH Moliya vazirligi Rossiya banki raisining birinchi o‘rinbosari Kseniya Yudayeva, Markaziy bank raisining o‘rinbosari Mixail Alekseyev hamda moliya vaziri o‘rinbosari Vladimir Kolichevni sanksiyalar ro‘yxatiga kiritdi. Ulardan tashqari yana 27 nafar jismoniy va 40 ta yuridik shaxs, xususan, “Transkapitalbank” va “Investorgbank” ham “qora ro‘yxat”dan joy olgan.
“Otkritiye” banki boshqaruvi raisi Mixail Zadornov va bankning bir nechta top-menejerlariga ham sanksiyalar joriy qilingan. Kseniya Yudayeva, Mixail Alekseyev va Vladimir Kolichev AQSH Moliya vazirligi ro‘yxatida “Otkritiye” aloqador shaxslar sifatida keltirilgan. Ular bankning kuzatuv kengashi a’zolari bo‘lgan, biroq hozir “Otkritiye” banki kuzatuv kengashida kimlar borligini oshkor etmayapti.
Shuningdek, AQSH sanksiyalari Kriptovalyuta mayningining eng katta data-markazlarining eng katta operatorlaridan biri BitRiver va uning “qizlari”ni chetlab o‘tmadi. Kompaniya Shveysariyada ro‘yxatdan o‘tgan.
AQSH Moliya vazirligi “Transkapitalbank” bilan barcha moliyaviy operatsiyalarni 20-maydan to‘xtatishni talab qilgan. Shu bilan birga, bank egalik qiladigan kompaniyalar bilan operatsiyalar ham taqiqlandi. Faqat Afg‘oniston yoki ijtimoiy inqirozni boshidan o‘tkazayotgan boshqa bir mamlakatni qo‘llab-quvvatlash uchun qilinadigan tranzaksiyalarga istisno tariqasida ruxsat beriladi. Mazkur holatlar uchun taqiq 20-oktabrdan kuchga kiradi.
“Sargrad” telekanali asoschisi Konstantin Malofeyevga nisbatan ham qo‘shimcha cheklovlar joriy qilingan, u avvalroq Vashington sanksiyalariga uchragandi. Rus tarixini yoritish jamiyati hisoblangan “Sargrad” va u bilan bog‘liq tuzilmalar sanksiyaga uchradi.
AQSH Rossiya 24-fevral kuni Ukrainada maxsus harbiy operatsiyalarni boshlaganidan keyin mamlakatga qarshi sanksiyalar qo‘llagan. Vashington avval Rossiya prezidenti, amaldorlari, biznesmenlari, Markaziy bank, turli sohalardagi tashkilotlariga nisbatan taqiqlarni amalga kiritgan.
Mavzuga doir:
Izoh (0)