Xitoy hukumati AQSHdagi ijtimoiy vaziyat tobora yomonlashib borayotganiga e’tibor qaratdi, Pekin rasmiylarining fikricha, inson huquqlari yo‘nalishidagi xalqaro huquqbuzarliklar mamlakatdagi tizimning surunkali muammosiga aylangan. Bu haqda Xitoy tashqi ishlar vazirligining rasmiy vakili Van Venbinga tayanib, “TASS” xabar qildi.
Xitoylik diplomat AQSH hukumati bu kabi muammolarni hal etish choralarini ko‘rishi kerakligi, mazkur masaladagi irqchilik, jinoyatchilik va zo‘ravonlik holatlari yuzasidan dalillar mavjudligini qayd etgan. Shuningdek, Van Venbin AQSH huquqiy tizimi faqat boy kishilarga xizmat qilishi va kam ta’minlanganlarni jazolashini ta’kidladi.
“AQSH — oxirgi 20 yil davomida har yili o‘qotar quroldan foydalanish bilan bog‘liq ko‘plab katta favqulodda hodisalar yuz bergan yagona, rivojlangan mamlakat”, — deya qo‘shimcha qilgan xitoylik diplomat.
Van Venbin zo‘ravonlik, qonunni buzish, amerikaliklar va xorijliklarning ommaviy halok bo‘lishiga aloqador holatlar ko‘p kuzatilganini eslatgan.
“AQSH boshqa mamlakatlarni inson huquqlarini poymol qilganlikda ayblashga haqli emas”, — deya tanqidiy gaplariga yakun yasagan Xitoy tashqi ishlar vazirligining rasmiy vakili.
Eslatib o‘tamiz, AQSH bir necha yildan beri Xitoy hukumatini Shinjon-Uyg‘ur avtonom viloyatida inson huquqlarini qo‘pol ravishda buzganlikda, Tayvanga nisbatan mustamlaka siyosatini yuritishga uringanlikda ayblab keladi.
Izoh (0)