Shavkat Mirziyoyev raisligida 19-aprel kuni o‘tkazilgan videoselektor yig‘ilishida viloyat, tuman va shahar hokimlari oldiga qoniqarsiz deb baholangan 3 636 nafar mahallaga shaxsan borish va muammolarni hal qilish vazifasi qo‘yildi. Bu haqda prezident matbuot kotibi xabar qildi.
Qayd etilishicha, Iqtisodiy taraqqiyot vazirligiga viloyat hokimlari bilan birgalikda ushbu mahallalar kesimida muammolarni hal qilish bo‘yicha “yo‘l xaritalari”ni ishlab chiqish topshirilgan. Bunda yil yakuniga qadar:
- 434 ta mahallada sug‘orish tizimi va suv ta’minotini yaxshilash;
- 715 ta mahallada suv, yo‘l, elektr, tabiiy gaz muammosini hal qilish;
- iqtisodiy ahvoli og‘ir 545 ta mahalladan har 5 tasiga bank vakilini biriktirib, lider tadbirkorlarni topish shartligi ko‘rsatib o‘tilgan.
“Qanchalik qiyin bo‘lmasin, ushbu mahallalarda ishlarning yurishi uchun shuncha qo‘shimcha mablag‘larni ajratyapmiz. Viloyat, tuman va shahar hokimlari, biriktirilgan vakillar va hokim yordamchilari ushbu mablag‘larning har bir so‘midan samarali foydalanib, aniq natija ko‘rsatishi kerak”, — degan prezident.
Mavzuga doir:
- O‘zbekiston aholisining qariyb yarmida qo‘shimcha daromadga ehtiyoj bor
- Shavkat Mirziyoyev Toshkent shahar hokimi, birinchi o‘rinbosari va soliq boshlig‘ini qat’iy ogohlantirdi
- “Hokim yordamchilari kredit, subsidiya, yer olib beraman, deb ta’magirlik qilayotgani juda achinarli holat” — Shavkat Mirziyoyev
Izoh (0)