Шавкат Мирзиёев раислигида 19 апрель куни ўтказилган видеоселектор йиғилишида вилоят, туман ва шаҳар ҳокимлари олдига қониқарсиз деб баҳоланган 3 636 нафар маҳаллага шахсан бориш ва муаммоларни ҳал қилиш вазифаси қўйилди. Бу ҳақда президент матбуот котиби хабар қилди.
Қайд этилишича, Иқтисодий тараққиёт вазирлигига вилоят ҳокимлари билан биргаликда ушбу маҳаллалар кесимида муаммоларни ҳал қилиш бўйича «йўл хариталари»ни ишлаб чиқиш топширилган. Бунда йил якунига қадар:
- 434 та маҳаллада суғориш тизими ва сув таъминотини яхшилаш;
- 715 та маҳаллада сув, йўл, электр, табиий газ муаммосини ҳал қилиш;
- иқтисодий аҳволи оғир 545 та маҳалладан ҳар 5 тасига банк вакилини бириктириб, лидер тадбиркорларни топиш шартлиги кўрсатиб ўтилган.
«Қанчалик қийин бўлмасин, ушбу маҳаллаларда ишларнинг юриши учун шунча қўшимча маблағларни ажратяпмиз. Вилоят, туман ва шаҳар ҳокимлари, бириктирилган вакиллар ва ҳоким ёрдамчилари ушбу маблағларнинг ҳар бир сўмидан самарали фойдаланиб, аниқ натижа кўрсатиши керак», — деган президент.
Изоҳ (0)