Afg‘oniston hududidan O‘zbekistonning Termiz shahridagi harbiy obyektlariga raketa hujumi uyushtirilgani haqida tarqalgan xabarlar haqiqatga to‘g‘ri kelmaydi. Bu haqda O‘zbekiston Mudofaa vazirligi xabar qildi.
“O‘zbekiston–Afg‘oniston davlat chegarasi O‘zbekiston harbiylari tomonidan to‘liq nazorat qilinib, barqaror vaziyat ta’minlanmoqda.
Fuqarolarimizdan bu kabi yolg‘on xabarlarga ishonmasliklari va rasmiy manbalarga tayanishlarini so‘rab qolamiz”, – deyiladi vazirlik xabarida.
Bundan avval prezident matbuot kotibi Sherzod Asadov ham tarqalgan xabarni asossiz ekanini ma’lum qilgandi.
Izoh (0)