Samarqand viloyatida opiy va gashish giyohvand moddalari aylanmasiga chek qo‘yildi, deb xabar bermoqda Ichki ishlar vazirligi.
Qayd etilishicha, Samarqand viloyati IIB va DXX xodimlari hamkorlikda tezkor tadbir o‘tkazgan. Unda Samarqand—Toshkent yo‘nalishida yo‘lovchi tashish bilan shug‘ullanuvchi fuqaro (1985-yilda tug‘ilgan) va Samarqand tumanida yashovchi tadbirkor (41 yoshli) bir fuqaroga 49,5 gramm miqdordagi opiy moddasini 2 ming 100 dollarga sotayotgan ushlangan.
Ushbu shaxslar Samarqand shahrida yashovchi fuqorodan (1991-yilda tug‘ilgan) giyohvand moddalarni sotib olgani aniqlanib, tadbir davom ettirilgan. Uning yashash xonadoni tekshirilganda, 5 kg miqdordagi opiy va 1 kg miqdorda gashish moddalari topilgan.
Tezkor tadbir natijasida jami 6 kg 49,5 gr opiy va gashish moddalari to‘xtatib qolingan.
Holat yuzasidan Jinoyat kodeksining 273-moddasi 5-qismi (giyovandlik vositalari, ularning analoglari yoki psixotrop moddalarni ko‘p miqdorda qonunga xilof ravishda sotish) bilan jinoyat ishi qo‘zg‘atilib, gumonlanuvchi protsessual tartibda ushlangan. Hozirda tergov harakatlari olib borilmoqda.
Mavzuga doir:
- DXX Buxoroda giyohvand moddani 2,5 ming dollarga sotishga uringan Afg‘oniston fuqarosini ushladi (video)
- DXX Namangan, Toshkent va Sirdaryoda giyohvandlik moddalari savdosiga chek qo‘ydi (video)
- Toshkentda 3 kg geroin va 7,5 kg opiyni Afg‘onistondan laganlar orasiga yashirib olib o‘tgan shaxslar ushlandi (video)
Izoh (0)