“Manchester Yunayted” hujumchisi Krishtianu Ronaldu Premyer Ligasi doirasida “Norvich”ga qarshi bahsda (3:2) het-trik qayd etdi.
Bu portugaliyalik futbolchi faoliyatidagi 60-het-trik bo‘ldi. Ularning 50 tasi klub miqyosida qayd etilgan bo‘lsa, yana o‘nta terma jamoasi safida kiritilgan.
Bu hozirda faoliyatini davom ettirayotgan futbolchilar orasidagi eng yaxshi natija hisoblandi. Ronaldudan keyin 55 ta het-trik bilan “PSJ” forvardi Lionel Messi bormoqda.
Krishtianu APLda uchinchi marta bir o‘yinda uchta gol urishga erishdi. Joriy mavsum futbolchi “Tottenhem” darvozasini uch bor nishonga olgan bo‘lsa, 2008-yilda “Nyukasl”ga qarshi bahsda ham het-trikka erishgandi.
Ronaldu joriy mavsum “Manchester Yunayted” safida barcha musobaqalar doirasidagi gollari sonini 21 taga yetkazib oldi. Futbolchi qatorasiga 16 mavsumdan beri 20+ gol urmoqda.
Izoh (0)