Futbol bo‘yicha Italiya A Seriyasining 33-turida “Yuventus” 16-aprel, shanba kuni “Bolonya” bilan bahs yuritdi.
Turinda kechgan bahs 1:1 hisobidagi durang natija bilan yakunlandi. 52-daqiqada Marko Arnautovich mehmonlarni hisobda oldinga olib chiqdi. 90+5-daqiqada esa Dushan Vlahovich “keksa sinyora”ni mag‘lubiyatdan qutqarib qolgan golga mualliflik qildi.
Qayd etish kerak, 84-daqiqada “Bolonya”ning bir-yo‘la ikki futbolchisiga qizil kartochka ko‘rsatildi. Adama Sumaoro qo‘pollik, Gari Medel esa hakamga e’tiroz bildirgani uchun maydonni sheriklaridan avval tark etdi.
“Yuventus” 33-turdan keyin 63 ochko bilan 4-o‘rinni band etib turibdi. “Bolonya” esa 38 ochko bilan 13-pog‘onada joylashgan.
A Seriya
33-tur bahslari
16-aprel, shanba
“Yuventus” – “Bolonya” 1:1
Gollar: 0:1 – 52 Arnautovich, 1:1 – 90+5 Vlahovich.“Yuventus”: Shchensni, de Shilyo (Kin, 86), Kyellini (Aleks Sandro, 75), de Ligt (Bonuchchi, 59), Pellegrini (Zakariya, 60), Danilo, Kuadrado, Rabyo, Morata, Dibala (Bernardeski, 59), Vlahovich.
“Bolonya”: Skorupski, Hiki, Medel, Sumaoro, Teate, Deyks, Soriano (Kasius, 74; Dominges, 87), Svanberg (Ebisher, 74), Sxauten, Arnautovich (Barrou, 65), Orsolini (Bonifatsi, 87).
Ogohlantirishlar: Teate (13), Svanberg (19), Kuadrado (31), Arnautovich (41), Medel (84).
Chetlatishlar: Medel (84), Sumaoro (84).
Izoh (0)