Futbol bo‘yicha Angliya Kubogining yarim finalidan o‘rin olgan o‘yinda “Manchester Siti” va “Liverpul” 16-aprel, shanba kuni o‘zaro to‘qnash keldi.
“Uembli” kechgan bahsda umumiy hisobda 5 ta gol urildi. 9-daqiqada Ibrohim Konate burchakdan oshirilgan to‘pni boshi bilan darvozaga yo‘llab, hisobni ochdi. 17-daqiqada Sadio Mane darvozabonga bosim o‘tkazib, uni xato qilishga majbur qildi va oradagi farqni oshirdi. Dastlabki 45 daqiqalikning so‘ngida Mane ajoyib zarbasi bilan hisobni 3:0 ko‘rinishiga olib keldi. Bu u uchun o‘yindagi 2-gol bo‘ldi.
“Shaharliklar” 47-daqiqaga kelib, hisobni qisqartirishga muvaffaq bo‘ldi. Jek Grilish Riyad Mahrezning faolligidan keyin darvozani osonlik bilan ishg‘ol qildi. 90+1-daqiqaga kelib esa Bernardu Silva o‘z nomini tabloga yozdirib qo‘ydi. Biroq bu mag‘lubiyatdan qutulib qolish uchun yetarli bo‘lmadi.
Shu tariqa “Liverpul” Angliya Kubogining finaliga o‘yiniga yo‘l oldi. “Qizillar” hal qiluvchi bahsda “Chelsi” — “Kristal Pelas” juftligi g‘olibi bilan to‘qnash keladi. Mazkur qarama-qarshilik 17-aprel sanasiga belgilangan.
Angliya Kubogi
1/2 final bahsi
16-aprel, shanba
“Manchester Siti” – “Liverpul” 2:3
Gollar: 0:1 – 9 Konate, 0:2 – 17 Mane, 0:3 – 45 Mane, 1:3 – 47 Grilish, 2:3 – 90 Bernardu Silva.“Manchester Siti”: Steffen, Joau Kanselu, Stounz, Ake, Zinchenko, Fernandinyo, Bernardu Silva, Foden, Grilish, Sterling, Gabriel Jezus (Mahrez, 83).
“Liverpul”: Alisson, Aleksander-Arnold, van Deyk, Konate, Robertson, Tiago Alkantara (Jons, 87), Fabinyo, Keyta (Henderson, 73), Saloh, Mane (Diogu Jota, 85), Dias (Firmino, 85).
Ogohlantirishlar: Gabriel Jezus (27), Fabinyo (37), Keyta (48), Fernandinyo (57), Mane (61).
Izoh (0)