Futbol bo‘yicha Angliya Premyer Ligasining 33-turidan o‘rin olgan bir qator o‘yinlar 16-aprel, shanba kuni bo‘lib o‘tdi.
“Manchester Yunayted” o‘z maydonida “Norvich” bilan bahs olib bordi. Uchrashuvning 7-daqiqasida Krishtianu Ronaldu hisobni ochdi. 32-daqiqada Ronaldu dublni rasmiylashtirdi. Birinchi bo‘lim so‘ngida Keran Dauel hisobni qisqartirdi.
52-daqiqada Teemu Pukki muvozanatni tikladi. 76-daqiqada Krishtinu Ronaldu gol urdi va het-trik qayd etdi.
Mankunianliklar ushbu g‘alabadan so‘ng ochkolari sonini 54 taga yetkazdi va 5-o‘ringa ko‘tarilib oldi. “Norvich” 21 ochko bilan 20-o‘rinda bormoqda.
“Arsenal” safarda “Sauthempton” mehmoni bo‘ldi. “Sauthempton” Yan Bednarekning yagona goli evaziga londonliklar ustidan g‘alaba qozondi.
“Kanonirlar” 54 ochko bilan 6-pog‘onadan joy olgan. “Sauthempton” 39 ochko jamg‘ardi va 12-o‘ringa ko‘tarildi.
APL
33-tur bahslari
16-aprel, shanba
“Manchester Yunayted” – “Norvich” 3:2
Gollar: 1:0 – 7 Ronaldu, 2:0 – 32 Ronaldu, 2:1 – 45 Dauell, 2:2 – 52 Pukki, 3:2 – 76 Ronaldu.“Manchester Yunayted”: De Xea, Diogu Dalot, Maguayr, Lindelyof, Telles (Reshford, 74), Pogba (Mata, 74), Lingard (Matich, 63), Brunu Fernandesh, Ronaldu, Sancho, Elanga.
“Norvich”: Krul, Bayrem, Henli, Gibson, Yannulis, Maklin (Gilmor, 73), Rashisa, Dauell (Plaxeta, 74), Le-Melu (Rou, 82), Normann, Pukki.
“Sauthempton” – “Arsenal” 1:0
Gol: 1:0 – 44 Bednarek.“Sauthempton”: Forster, Uoker-Piters, Bednarek, Voynovich, Valeri, Perro, Romeu, Uord-Prouz, Armstrong (Redmond, 82), Elyunussi (Livramento, 90+2), Broya (Long, 74).
“Arsenal”: Remsdeyl, Soaresh (Smit-Rou, 60), Gabriel, Uayt, Nunu Tavaresh (Pepe, 70), Jaka, Edegor, Lokonga, Nketia, Martinelli, Saka.
Ogohlantirishlar: Broya (56), Uayt (90), Long (90+5).
Izoh (0)