Surxondaryo viloyati Angor tumanida joylashgan bog‘chalardan birining hududidagi daraxtlar noqonuniy kesilgani aniqlandi, deb xabar beradi Ekologiya va atrof-muhitni muhofaza qilish davlat qo‘mitasi.
Ma’lum qilinishicha, Surxondaryo viloyati Ekologiya va atrof-muhitni muhofaza qilish boshqarmasiga Angor tumani “Gulzor” mahallasi hududida joylashgan bog‘chadagi daraxtlar kesib tashlangani haqida xabar kelib tushgan. Murojaatga asosan Davlat ekologik nazorat inspektorlari tomonidan mahalla hududida joylashgan 6-sonli Maktabgacha ta’lim muassasasi binosi hududida 1 tup archa, 1 tup rus daraxti va 41 tup tuya daraxtlari tag qismidan noqonuniy kesilgani aniqlangan.
Hozirda ushbu holat yuzasidan Davlat ekologik nazorat inspektorlari tomonidan o‘rganish ishlari olib borilmoqda.
Avvalroq Toshkentning “Turkiston” saroyi oldidagi chinor va teraklar kesib tashlangani, Andijonda 25 yillik daraxtlar o‘rnida ixtisoslashtirilgan maktab qurilishi, Sirdaryoda 170 tup tol daraxti kesib tashlangani to‘g‘risida xabar berilgandi.
Izoh (0)