Rossiya va Belarus Bosh prokuraturalari Ikkinchi jahon urushi vaqtida sovet xalqining genotsidga uchragan holatlarini o‘rganish bo‘yicha ishchi guruh tuzish to‘g‘risidagi farmoyishni imzoladi, deb xabar beradi “RIA Novosti”.
Axborot, tajriba almashish, shuningdek, natsizm g‘oyalarini zamonaviy voqelikda qayta tiklashga yo‘l qo‘ymaslik bo‘yicha ishchi guruh tarkibiga ikki idoraning tajribali va malakali xodimlari kiritilgan. Xususan, Rossiya tomonidan — bosh harbiy prokuratura, Xalqaro harbiy-huquqiy hamkorlik bosh boshqarmasi, Federal xavfsizlik to‘g‘risidagi qonunlar ijrosini, xalqaro munosabatlar, ekstremizm va terrorizmga qarshi turishni ta’minlash boshqarmasi vakillari.
Rossiya Bosh prokuraturasi ma’lumotlariga ko‘ra, ularning aksariyati bu borada 2019-yildan buyon ish olib bormoqda, maxfiy arxiv materiallarning o‘rganish va ularni oshkor qilishda ishtirok etgan; sovet xalqining genotsidi bo‘yicha jinoyat ishi tergovini nazorat qilgan; aniqlangan va yangi ochilgan jinoyatlarni harbiy jinoyatlari, insoniyatga qarshi jinoyatlar va Sovet Ittifoqi xalqlarining genotsidi deb e’tirof etish to‘g‘risidagi da’volarni fuqarolik protsessida sudlarga tayyorlash va taqdim etishda qatnashgan.
Nashrning qayd etishicha, Rossiya huquq-tartibot idoralari, qidiruv tizimlari va tarixchilar fashist bosqinchilari hamda ularning sheriklarining Ikkinchi jahon urushi davrida tinch sovet fuqarolariga qarshi jinoyatlariga oid yangi faktlarni aniqlash bo‘yicha katta ishlarni amalga oshirmoqda.
Izoh (0)