Yevropa kosmik agentligi (YKA) Rossiyaning “Luna-25”, “Luna-26” va “Luna-27” missiyalarini tark etganini e’lon qildi.
“EkzoMars” bilan bog‘liq holatdagi kabi Rossiyaning Ukrainaga nisbatan zo‘ravonligi, undan keyin Moskvaga nisbatan qo‘llanilgan sanksiyalar vaziyatni keskin o‘zgartirib yubordi va YKAning oyni tadqiq qilish yuzasidan rejalashtirgan ishlarini amalga oshirish imkonsiz bo‘lib qoldi”, — deyiladi agentlik bayonotida.
YKAning qo‘shimcha qilishicha, “Luna” missiyasida foydalanilishi lozim bo‘lgan Yevropa ilmiy va bort qurilmalari boshqa dasturlarni amalga oshirishda ishlatiladi. Masalan, “Pilot-D” kamerasi va navigatsiya tizimini sinovdan o‘tkazish parvozi yuzasidan kelishuv mavjud. Avval ushbu kamerani “Luna-25” missiyasi doirasida tekshirib olish rejalashtirilayotgandi.
Prospect burg‘ulash apparati va uchar zarrachalar tahlili uchun uskunalar “Luna-27” missiyasida ishlatishi ko‘zda tutilgandi, endi ulardan NASAning oyni tadqiq qilish bo‘yicha missiyalarida foydalaniladi.
“Roskosmos” rahbari Dmitriy Rogozin YKA qaroriga munosabat bildirib, Telegram’da quyidagi postni qoldirgan:
Endi ularning qurilmalarini apparatlarimizdan yechib tashlaymiz. Yevropalik xonimcha otdan tushsa, rus tulpori yanada tezroq chopadi.
Mart oyida Yevropa kosmik agentligi Marsni tadqiq qilishda “Roskosmos” bilan hamkorlikdan bosh tortgan, Rossiyaning Marsga o‘zi missiya jo‘natmoqchi ekanligi xabar qilingandi.
Mavzuga doir: NASA 2040-yilgacha Marsga astronavtlarni olib chiqmoqchi
Izoh (0)