“Real” klubi va Kolumbiya terma jamoasi sobiq futbolchisi Freddi Rinkon avtohalokat oqibatida 55 yoshida vafot etdi.
11-aprel kuni Rinkon o‘tirgan mashina Kalida (Kolumbiya) avtobus bilan to‘qnashib ketgani xabar qilingandi. Sobiq futbolchi jiddiy jarohat bilan shifoxonaga yetkazilgani va operatsiya qilingani aytilgandi.
13-apreldan 14-aprelga o‘tar kechasi Rinkon shifoxonada vafot etgan.
Rinkon 1995-yildan 1996-yilga qadar madridliklar sharafini himoya qilgan. Sobiq yarim himoyachi 1986-yildan to 2004-yilga qadar davom etgan futbolchilik faoliyati davomida “Napoli”, “Korintians”, “Palmeyras” va “Amerika Kali” klublari safida to‘p surgan. 1990-yildan 2001-yilgacha Kolumbiya terma jamoasidan chaqiruv olgan.
Avvalroq “Navbahor” futbol klubi a’zosi Samandar Yigitaliyev 29-dekabr, “Bunyodkor” futbolchisi Diyor Rahimqulov 11-dekabr kuni avtohalokat oqibatida vafot etgani ma’lum bo‘lgandi.
Izoh (0)