Qashqadaryo viloyatining Shahrisabz shahrida faoliyat yurituvchi shifokor fuqaroni sog‘lom deb hujjat berishi evaziga undan 500 ming so‘m olgan vaqtida qo‘lga olingan. Bu haqda viloyat IIB axborot xizmati xabar berdi.
Ma’lum bo‘lishicha, shifokor shaharning “Fayzobod” mahallasida yashovchi harbiy bilim yurtiga o‘qishga kirish uchun hujjat topshirib, mudofaa bo‘limida tibbiy ko‘rikdan o‘tayotgan K.A.ga sog‘lom deb hujjat berishini aytgan va undan pul talab qilgan.
Holat viloyat IIB Jinoyat qidiruv bo‘limi, Shahrisabz shahar IIB hamda departamentning Shahrisabz shahar bo‘limi xodimlari hamkorligidagi tadbirda fosh etilgan.
Holat yuzasidan jinoyat ishi qo‘zg‘atilgan.
Izoh (0)