Қашқадарё вилоятининг Шаҳрисабз шаҳрида фаолият юритувчи шифокор фуқарони соғлом деб ҳужжат бериши эвазига ундан 500 минг сўм олган вақтида қўлга олинган. Бу ҳақда вилоят ИИБ ахборот хизмати хабар берди.
Маълум бўлишича, шифокор шаҳарнинг «Файзобод» маҳалласида яшовчи ҳарбий билим юртига ўқишга кириш учун ҳужжат топшириб, мудофаа бўлимида тиббий кўрикдан ўтаётган К.А.га соғлом деб ҳужжат беришини айтган ва ундан пул талаб қилган.
Ҳолат вилоят ИИБ Жиноят қидирув бўлими, Шаҳрисабз шаҳар ИИБ ҳамда департаментнинг Шаҳрисабз шаҳар бўлими ходимлари ҳамкорлигидаги тадбирда фош этилган.
Ҳолат юзасидан жиноят иши қўзғатилган.
Изоҳ (0)