“Sberbank” onlayn ilovasini sanksiyalar tufayli App Store’da endi yuklab olish va yangilash imkoniyati yo‘q. Bu haqda bank matbuot xizmatiga tayanib “Vedemosti” xabar bermoqda.
Qayd etilishicha, shu paytgacha o‘rnatilgan ilovalar iOS’da cheklovlarsiz ishlaydi. Google Play’da bank ilovasini yuklab olish mumkin.
Sanksiyalar tufayli iOS platformasidagi “Sberbank” onlayn mobil ilovasini App Store’da yuklab olish va yangilash imkoni mavjud emas. Ilgari o‘rnatilgan ilovalar ishlashda davom etadi, undan foydalanishda hech qanday cheklovlar yo‘q. Mijozlarga o‘rnatilgan bank ilovasini o‘chirib tashlamaslikni tavsiya qilamiz, — deyiladi xabarda.Bank mijozlari barcha kerakli operatsiyalarni amalga oshirish uchun ‘‘Sberbank’’ onlayn veb-versiyasidan foydalanishlari mumkinligini eslatdi. Bank “Sberbank” tizimi va infratuzilmasi normal ishlayotganini va mijozlar mablag‘lari xavfsiz ekanini ta’kidladi.
6-aprel kuni AQSH “Sberbank”ga nisbatan yangi sanksiyalarni joriy qildi: bank aktivlari muzlatiladi, AQSH fuqarolari va kompaniyalariga kredit tashkiloti bilan biznes yuritish taqiqlanadi. Kontragentlar 13-aprelgacha bank bilan barcha munosabatlarni yakunlashlari kerak.
24-fevral kuni Qo‘shma Shtatlar ushbu bankga nisbatan yumshoqroq sanksiyalar joriy qilib, mamlakatdagi barcha moliya institutlariga 30 kun ichida bankdagi vakillik hisoblarini yopishni, bank va uning 25 ta sho‘ba korxonasi bilan bog‘liq har qanday operatsiyalarni to‘xtatishni buyurdi.
Avvalroq “Sberbank” hamda “Alfabank”ka nisbatan sanksiyalar joriy qilgani haqida xabar qilingan edi.
Izoh (0)