Қозоғистон 15 апрелдан 15 июнгача буғдой ва ун экспорти учун чегараланган миқдорда квоталар жорий этишга қарор қилди. Бу ҳақда «Kazinform» хабар бермоқда.
Ички бозорда танқислик юзага келиши ва ун тегирмонлари юкланишининг олдини олиш мақсадида буғдой ва ун экспорти учун квоталар жорий этилди. Квоталар 15 апрелдан 15 июнгача амал қилади, — деди Қозоғистон қишлоқ хўжалиги вазирининг биринчи ўринбосари Айдарбек Сапаров.Маълум бўлишича, буғдой учун квота ҳажми 1 млн тонна, ун учун 300 минг тоннани ташкил этади
Шундай қилиб, ҳукумат томонидан ички бозорни ижтимоий аҳамиятга эга озиқ-овқат маҳсулотлари, жумладан, ун билан тўлдириш бўйича чора-тадбирлар аллақачон амалга оширилмоқда, – деди вазирнинг биринчи ўринбосари.Қозоғистон — Ўзбекистон учун асосий буғдой импорт қилувчи мамлакат ҳисобланади. Масалан, январь ойида мамлакатга 26,8 минг тонна буғдой кириб келган, унинг деярли барча қисми (99,2 фоиз) Қозоғистон ҳисобига тўғри келди.
Бундан ташқари, Ўзбекистонда 1 апрелдан бошлаб «Озиқ-овқат хавфсизлиги ва ички бозорда нархлар барқарорлигини таъминлаш бўйича қўшимча чора-тадбирлар тўғрисида»ги ҳукумат қарори кучга кирди.
Ҳужжатга кўра, 2022 йил апрель—июль ойларида Қозоғистондан 100 минг тонна 3-синф буғдойи (бир қисми ун) мақбул нархларда импорт қилиниши керак эди.
Изоҳ (0)