Qoraqalpog‘istonning Xo‘jayli tumanida ona o‘z farzandlariga zulm o‘tkazib, ularni xo‘rlayotgani tasvirlangan video tarqalgan edi. Keyinroq holat yuzasidan jinoyat ishi qo‘zg‘atildi. Xo‘jayli tumani hokimligining ma’lum qilishicha, holat yuzasidan ishchi guruh tuzilgan.
Ma’lum qilinishicha, ushbu holat Xo‘jayli tuman hokimligi va prokuratura tomonidan alohida nazoratga olingan. “Bolalar huquqlarini himoya qilish va boshqa mutasaddi tashkilotlar bilan hamkorlikda ishchi guruh tuzilib, kechiktirib bo‘lmaydigan ishlar amalga oshirilmoqda. Natijasi yuzasidan ijtimoiy tarmoqlar orqali xalqqa qo‘shimcha axborot berib boriladi”, — deyiladi hokimlik munosabatida.
Avvalroq bolalarini kaltaklagan ayol Qoraqalpog‘iston IIV xodimi bilan suhbatda bu ishni nima sababdan qilganini so‘zlab bergandi. “Qizlarimni urib videoga olganim sababi erim Rossiyada edi, men farzandlarim bilan birga yolg‘iz yashardim. Videoni yuborib, ukalari, balki, kelib qarashar degan maqsadda yubordim, yo‘q, baribir kelishmadi. O‘rtada ota-onam kasal bo‘ldi, shok holatda edim. Qizlarimni urganimdan pushaymonman”, — degan u.
Izoh (0)