Vazirlar Mahkamasi huzuridagi Ta’lim sifatini nazorat qilish davlat inspeksiyasining Surxondaryo viloyati bo‘limiga yangi rahbar tayinlandi. Bu haqda viloyat hokimi ishtirokidagi hokimlik soatida ma’lum qilindi, deya xabar berdi hokimlik axborot xizmati.
To‘ra Bobolovning matbuot kotibiga ko‘ra, mazkur lavozimga Pardayev Alisher Ochilovich munosib ko‘rilib, hokimlik soatida jamoatchilikka tanishtirilgan.
Alisher Pardayev 1970-yil Boysun tumanida tug‘ilgan bo‘lib, 1997-yil Termiz davlat universitetini tamomlagan.
Mehnat faoliyati davomida boshlang‘ich sinf o‘qituvchiligidan Boysun, Jarqo‘rg‘on tumani xalq ta’limi bo‘limi hamda viloyat xalq ta’limi boshqarmasi boshlig‘i lavozimlarida ishlagan.
Tayinlovga qadar u O‘zbekiston Xalq demokratik partiyasi Surxondaryo viloyati kengashi raisi lavozimida ishlab kelayotgan bo‘lgan.
Izoh (0)