“Holand uchun ko‘p pul sarflamagan bo‘lardim”. Dani Alves “Borussiya D” hujumchisidan ham yaxshiroq futbolchi borligini ta’kidladi

“Barselona” himoyachisi Dani Alves jamoa Erling Holandni emas, Kilian Mbappeni olishi kerak deb hisoblaydi.

Holand transferi uchun bor kuchimni sarflamagan bo‘lardim. To‘g‘risini aytsam, u uchun ko‘p pul ishlatmasdim. Mbappe uchun — ha, Holand uchun esa — yo‘q.

Sport direktori emasman, ammo birinchi navbatda Mbappega e’tiborni qaratgan bo‘lardim. U har tomonlama yetuk futbolchiga o‘xshaydi. Agar katta sarmoya kiritmoqchi bo‘lsangiz, unda eng yaxshisiga kiritish lozim. Agar hammasi menga bog‘liq bo‘lganda, Kilianga diqqatimni qaratardim.

Dani Alves, “Barselona” himoyachisi

Kilian Mbappe esa “PSJ”da qolishi mumkinligi, lekin “Real” uni o‘z safiga qo‘shib olishiga ishonayotgani, shuning uchun Azarni ijaraga berib yubormoqchi ekanligi aytilgandi.