“Nasaf” bosh murabbiyi Ro‘ziqul Berdiyev Osiyo Chempionlar Ligasi 1-turi doirasida kechgan “As-Sadd” qarshi uchrashuvdan (1:1) keyin o‘z fikrlari bilan o‘rtoqlashdi.
O‘yin haqidaEslatib o‘tamiz, 1:1 hisobida yakunlangan o‘yinning har ikkala bo‘limida Qatar klubining bir nafardan futbolchisi qizil kartochka olib, maydonni tark etdi.O‘yin qiziqarli voqeliklarga boy bo‘ldi. Gollar, qizil kartochkalar. O‘yinning borishiga qaraydigan bo‘lsangiz, biz g‘alaba qozonishimiz shart edi. Juda ochiq o‘yin bo‘ldi. Bir vaziyat orqali biror jamoa g‘alabani ilib ketishi ham mumkin edi.
Natija “Nasaf”ni qay darajada qoniqtirgani haqida
Qiyin bahs bo‘lishini bilardik, shu sababli bir ochkoga ham rozi bo‘lardik. Ammo raqib avvaliga bir kishi kam bo‘lib qolganidan keyin g‘alaba haqida o‘yladik. Keyinchalik ular yana bir kishi kam bo‘lib qoldi. Menimcha, ikki ochko yo‘qotdik.
Raqib ikki kishi kam bo‘lib qolganidan keyin “Nasaf”ning to‘liq ustunlik qila olmagani, xususan oxirgi 30 daqiqa ichida 2 ta zarba bergani haqida
Albatta, bu bizning kamchiligimiz. Oxirgi paytlarda yo so‘nggi pasni beradigan yoki so‘nggi zarbani yo‘llaydigan futbolchi topilmayapti. Raqib kamchilik bo‘lib qolganidan keyin butun tarkib bilan himoyaga yotib olishdi. Shu sababli zarba berishga qiynaldik. Yoddan chiqarmang, bu “As-Sadd” jamoasi. Ular hatto kamchilik bo‘lib ham darvozamiz oldida xavfli vaziyat yarata oldi. Shuning uchun ham har qanday bunday raqiblar bilan ehtiyot bo‘lib o‘ynash kerak.
Ro‘ziqul Berdiyev, “Nasaf” bosh murabbiyi
E guruhdagi ikkinchi — “Al-Vihdat” — “Al-Faysali” bahsida (1:1) ham durang natija qayd etildi. 1-turdan keyin barcha jamoalarning ko‘rsatkichlari bir xil. OChL guruh o‘yinlari Saudiya Arabistonida markazlashgan tizimda o‘tkazilmoqda.
Izoh (0)