London klubi Eden Azarni ijaraga olmoqchi, biroq futbolchi “Real”dan ketmoqchi emas

“Real” yarim himoyachisi Eden Azar London klubiga o‘tishi mumkin.

Foot Mercato xabariga ko‘ra, 31 yoshli belgiyalik futbolchining xizmatlariga “Arsenal” klubi qiziqish bildirmoqda.

Ingliz klubi vakillari Azarning atrofidagilari bilan uchrashib, kelasi mavsum uchun ijara masalasini muhokama qilgan. “Real” ham futbolchining formasini tiklab, o‘yin amaliyotiga ega bo‘lishini xohlamoqda, ushbu holatda klub uni bir yildan keyin sotish imkoniyatiga ega bo‘ladi. Biroq futbolchining o‘zi Madriddan ketishni istamayapti. U hamon klubda o‘zini ko‘rsata olishiga ishonmoqda.

Avvalroq, belgiyalik futbolchi jarohati sabab mavsumning qolgan qismini o‘tkazib yuborishi haqida ma’lumot berilgandi. “Real” yozda deyarli 10 nafar futbolchisi bilan xayrlashmoqchi ekanligi, ularning orasida Eden Azar ham borligi xabar qilingandi.

Eden Azar 2021/22-yilgi mavsum La Ligada 17 ta o‘yinda maydonga tushib, bitta golli uzatmaga mualliflik qildi.