Farg‘ona shahrida 2022-yilning 3-aprel kuni Ichki ishlar boshqarmasi xodimiga tan jarohati yetkazgan shaxsga jinoyat ishi qo‘zg‘atildi. Bu haqda “Daryo”ga viloyat IIB axborot xizmati xabar berdi.
Qayd etilishicha, shu kuni viloyat IIB birinchi mintaqaviy hudud patrul-post xizmati otryadining ikki nafar xodimi Farg‘ona shahrining Yangi asr ko‘chasida xizmat olib borgan. Shu vaqtda Marg‘ilon shahrida yashovi A.Y. mast holda IIB xodimlari bilan janjallashib qolib, ularni haqorat qilgan. Faol qarshilik ko‘rsatib, xodimlardan biriga tan jarohati yetkazgan.Mazkur holat yuzasidan Farg‘ona shahar prokuraturasi tomonidan Jinoyat kodeksining 219-moddasi 1-qismi (Hokimiyat vakiliga yoki fuqaroviy burchini bajarayotgan shaxsga qarshilik ko‘rsatish) bilan jinoyat ishi qo‘zg‘atilgan.
Avvalroq Navoiyda avtomobilini jarima maydoniga olib ketayotgan YPX xodimini kaltaklagan Matiz haydovchisi ushlanib, unga nisbatan jinoyat ishi qo‘zg‘atilgani, keyinchalik haydovchi qilmishidan pushaymonligini bildirgani haqida xabar berilgandi.
Izoh (0)