Chimkent politsiyasining Ekstremizmga qarshi kurashish boshqarmasi xodimlari xalqaro qidiruvda bo‘lgan O‘zbekiston fuqarosini qo‘lga oldi. Bu haqda shahar departamenti matbuot xizmatiga tayanib, “Nur.kz” xabar berdi.
Ta’kidlanishicha, hozirda Qozog‘istonning uchinchi megapolis shahrida “Migrant” va “Qidiruv” nomli tezkor-profilaktik tadbirlar o‘tkazilmoqda. Mazkur tadbirlar davomida O‘zbekistonda jinoyat sodir etganlikda gumonlanayotgan shaxs qo‘lga olingan. U xalqaro qidiruvda bo‘lgan.
Politsiyadagilarning ma’lum qilishicha, qo‘lga olingan 30 yoshli shaxs buzg‘unchi diniy oqim tarafdori hisoblaandi. Huquq-tartibot organlarning aniqlashicha, u shaxsini tasdiqlovchi hujjatni yo‘qotib qo‘ygan va mahalliy aholining qo‘lida yollanma ishchi bo‘lib ishlagan. Hozirda politsiya gumonlanuvchining hujjatlarini qayta tiklamoqda, shundan so‘ng uni O‘zbekistonga ekstraditsiya qilish bo‘yicha choralar ko‘riladi.
Avvalroq Surxondaryoda ikki kishini o‘ldirganlikda gumonlangan shaxs “Domodedovo” aeroportida qo‘lga olingani to‘g‘risida xabar berilgandi.
Izoh (0)