Чимкент полициясининг Экстремизмга қарши курашиш бошқармаси ходимлари халқаро қидирувда бўлган Ўзбекистон фуқаросини қўлга олди. Бу ҳақда шаҳар департаменти матбуот хизматига таяниб, «Нур.кз» хабар берди.
Таъкидланишича, ҳозирда Қозоғистоннинг учинчи мегаполис шаҳрида «Мигрант» ва «Қидирув» номли тезкор-профилактик тадбирлар ўтказилмоқда. Мазкур тадбирлар давомида Ўзбекистонда жиноят содир этганликда гумонланаётган шахс қўлга олинган. У халқаро қидирувда бўлган.
Полициядагиларнинг маълум қилишича, қўлга олинган 30 ёшли шахс бузғунчи диний оқим тарафдори ҳисоблаанди. Ҳуқуқ-тартибот органларнинг аниқлашича, у шахсини тасдиқловчи ҳужжатни йўқотиб қўйган ва маҳаллий аҳолининг қўлида ёлланма ишчи бўлиб ишлаган. Ҳозирда полиция гумонланувчининг ҳужжатларини қайта тикламоқда, шундан сўнг уни Ўзбекистонга экстрадиция қилиш бўйича чоралар кўрилади.
Аввалроқ Сурхондарёда икки кишини ўлдирганликда гумонланган шахс «Домодедово» аэропортида қўлга олингани тўғрисида хабар берилганди.
Изоҳ (0)