Toshkent shahar Yakkasaroy tumani Abdulla Qahhor ko‘chasidagi mehmonxona kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot izohida yozilishicha, mehmonxonada 958 kvadrat metr hujjatsiz qurilma mavjud. Shuningdek, bino ichidagi mol-mulklar sotilmaydi. 5 qavatli mehmonxona 93 ta xonadan iborat.
Yer uchastkasining umumiy maydoni — 0,10 gektar. Umumiy yer maydoni — 2039 kvadrat metr. Binoda gaz, suv, elektr ta’minoti va kanalizatsiya tizimi mavjud.
Auksionga qo‘yilgan mehmonxonaning boshlang‘ich bahosi — 6,25 mlrd so‘m.
Arizalar 10-may 09:00 ga qadar qabul qilinadi. Savdolar xuddi shu kuni 10:00 da boshlanadi. Lot kimoshdi savdosiga fuqarolik ishlari sudi bilan Toshkent shahar Mirobod tumani MIB tomonidan qo‘yilgan.
Avvalroq Toshkent shahridagi hovli MIB tomonidan 1,6 mlrd so‘mga auksionga qo‘yilgani haqida xabar berilgan edi.
Izoh (0)